مسجد بابالحوایج اسکلو

یار آغلادی

یار آغلادی من آغلادیم 

یارین بویون قوجاقلادیم، یار آغلادی من آغلادی

ییغیشدی قونشولار بوتون جار آغلادی من آغلادیم 

باشیندا قار قالان داغا، دانیشدیم آیرِيليق سؤزون

بیر آه چکیب باشینداکی قار آغلادی من آغلادیم 

طارمدا نار آغاجلاری منی گؤروب دانیشدیلار

بویومو زیتون اوخشادی نار آغلادی من آغلادیم 

اؤرک سؤزون دئدیم تارا سیملر اولدو پارا- پارا

یاواش- یاواش سیزیلدادی تار آغلادی من آغلادیم 

دئدیم کی حاق منیم کیدیر باشیمی جکدیلر دارا

طناب کسنده بوینومو دار آغلادی من آغلادیم 

ایلیکه  اسدی بیر خزان تالاندی گوللریم منیم

خبر چاتینجا بولبوله خار آغلادی من آغلادیم 

«جعفریم» بویوم بالا غم سینمده قالا- قالا

یار جانیمی آلا آلا یار آغلادی من آغلادیم. 

استاد هوشنگ جعفری

بو شعری عزیزیم رضا اسدی گوندریب